新聞搜尋
人物/專題

新舊共融?千萬豪宅旁為街市新現象!

2018年3月14日 13:00
上一篇

市區新盤難以避免要與舊區樓宇、商舖設施共存。網民justxxeleague 就話,朋友屋企位於西營盤縉城峰,兩房樓價要已千萬元,不過樓下隔一條街就係街市,戶外雞檔有活雞賣添,就問大家點睇?

其他網民就先澄清,其實樓價千萬現今已不是豪宅,只屬於中產家庭水平,而不少屋苑都有相同情況,例如灣仔尚翹峰,住宅基座是灣仔街市,與街市共存情況一點也不出奇,即使北角呎價4、5萬元豪宅新盤,樓下都係巴士總站。不過,屋苑與街市為鄰,居屋環境比會較嘈吵,亦要注意衛生問題,有意置業人士要多加留意。

網民點睇

吱喳xxmo:點睇?新樓,一千萬有兩房,仲要附近有街市咁方便,抵到爛啦!其實依家一千萬已經唔算得上係豪宅lu

Yxxc:灣仔街市都好多「豪宅」,一大堂出黎就有檔口賣野,好方便,同一價錢,我自己就情願住遠啲舊啲細啲都唔揀呢啲喇

Charxxtte_mom:不過唔可以用新界個標準黎衡量港島,畢竟港島發展左太多年,唔似新界有計劃咁一步步黎。係周圍都地舖,馬路,舊樓,撈亂晒

caxxfox:你見識少!荃灣楊屋街市,比D千幾二千萬元一個單位 屋苑包圍⋯⋯,個街市比你這個污糟幾十倍⋯⋯

babxxchu:宜家仲有所謂豪宅?!北角4、5萬一尺,樓下都係巴士總站/交通交匯處,旁邊就係內地團維港遊碼頭。過條馬路又係小巴總站+投注站+街市+馬寶道嘅街坊排檔!

網址連結:點睇過千萬既豪宅下面就係街市?

舊區重建愈來愈多,價值千萬的新樓旁仍保留不少舊區「遺產」。
按圖放大 按圖放大
舊區重建愈來愈多,價值千萬的新樓旁仍保留不少舊區「遺產」。