新聞搜尋
人物/專題

尚悅交通不便但樓價較低水 網民想知買唔買得過

2017年3月20日 15:00
上一篇

元朗尚悅樓齡只有4年,屋苑有會所,兩房樓價400多萬元有交易,吸引不少年輕上車客入市,本月已錄10宗二手成交,表現優於不少上車盤。

有居住荃灣網民,就想同屋企人搬入尚悅。但樓價低水必有因,大部份網民就叫事主三思,尚悅交通配套不及荃灣市區完善,屋苑村巴班次疏落,步行至元朗西鐵站至少要20分鐘。樓價高企,有網民就認為買樓要「睇餸食飯」,交通、樓價及居住環境之間,要學懂如何取捨。

網民點睇:

希古XX利:搭車黎講果個位真係好差,但揸車黎講佢係元朗最方便咁滯,一上就高速 依家仲要唔使經博愛迴旋處,不過日日咁揸車行大欖都唔係辦法,搭公共交通工具就真係好麻煩。

A大X:唔同人有唔同需要,尚悅新樓質素,佢樓價已經反映左佢既唔方便。但係好似我朋友自己揸車番工其實冇咩問題。

ShiXXnoya:我住左尚悅半年,覺得幾好住,俾我揀yoho同尚悅,我會揀尚悅,我老婆番金鐘,每朝行去雞地搭村巴九個字就番到中環,我自己番觀塘就行三個字去大馬路搭巴士。

知X瓏:佢最難搞係介乎市中心同郊區之間,搞到你行又唔係搭車又唔係。同埋我估你唔多煮飯,否則夏天三十幾度抨住一袋二袋行番去都幾係野。

網址連結:元朗尚悅好住 ?

元朗尚悅樓價較低水,雖然交通稍為不便,但亦吸引不少上車客青睞。
按圖放大 按圖放大
元朗尚悅樓價較低水,雖然交通稍為不便,但亦吸引不少上車客青睞。